Zëvendëskryeministri i Kosovës, Fatmir Limaj ka bërë me dije se nga data 16 prill deri më 27 prill institucionet e Republikës së Kosovës në bashkëpunim me KFOR-in kanë nisur ushtrimin e quajtur “Shpata e Argjendtë”.

“Institucionet e Republikës së Kosovës në bashkëpunim me KFOR-in kanë nisur një ushtrim të quajtur “Shpata e Argjendtë”. Ky ushtrim ka për qëllim koordinimin e mekanizmave tonë të sigurisë për të planifikuar dhe menaxhuar situatat emergjente të mundshme dhe ka për qëllim vlerësimin e kapaciteteve tona të sigurisë, gatishmërinë e tyre për të iu përgjigjur situatave të ndryshme që mund të cenojnë sigurinë e Republikës së Kosovës”, ka thënë ndër të tjera Limaj.

Këshilli i Sigurisë Kombëtarë, sipas Limajt, së bashku me KFOR-in pas këtij ushtrimi do të analizojnë dhe nxjerrin rekomandimet e nevojshme.

Numri dy i qeverisë së Kosovës ka ftuar qytetarët që të mos shqetësohen nga ky ushtrim, pa zbuluar planin e këtij ushtrimi.

Më poshtë mund të ndiqni adresimin e plotë të Limajt:

www.dailymotion.com/04325eb8-ee6f-4db6-89bd-c77642fe7be9